Түркияның табиғи апаттарды жою басқармасының мәліметі бойынша, елде 31 643 адам қаза тапты, ал Сирияның солтүстік-батысында БҰҰ мәліметтері бойынша табиғи апат құрбандары саны 5714-ке жетті, деп жазады inbusiness.kz.
БҰҰ-да 800 мыңнан астам адам күнделікті ыстық тамақтан айырылғанын айтады, ал ұйымның табиғи апат орнында көмек көрсету агенттігі жер сілкінісінен қаза тапқандардың саны екі есе артуы мүмкін деп ескертеді.
Екі елде де азық-түлік қоры таусылып жатыр. Қазіргі уақытта Түркияның оңтүстігіндегі Адана қаласында орналасқан гуманитарлық ұйымның қызметкері ВВС-ге қажетті заттардың тізімі өте үлкен екенін айтып, іш киім, шатырлар мен көрпелерге зәру екендерін жеткізді.
Осы аптада Түркия мен Сирияда ауа температурасы төмендеуі мүмкін, бұл құтқарушылар үшін де, жер сілкінісі кезінде баспанасыз қалған адамдар үшін де қосымша қиындықтар туғызады.
