/img/Group 538png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Былтыр 140 мың жұп үйленіп, 59,8 мыңы ажырасып кеткен

Былтыр 140 мың жұп үйленіп, 59,8 мыңы ажырасып кеткен

2018 жылмен салыстырғанда ажырасқандар саны 9,1% артқан.

29 Мамыр 2020 17:04 152

Былтыр 140 мың жұп үйленіп, 59,8 мыңы ажырасып кеткен

Ұлттық экономика министрлігі Статистика комитетінің мәліметінше, былтыр АХАТ органдары 139,5 мың некені тіркеген. Бұл 2018 жылмен салыстырғанда 1,2%-ға көбірек. Өткен жылы неке қиғандардың 70,4%-ы (98,2 мың) қалаларда, ал 29,6%-ы (41,3 мың) ауылдық жерлерде тіркелген.

2019 жылы алғаш рет отбасын құрған ер-азаматтардың үлесі 81,8% болса, 83,6%-ы – әйелдер. Ал орташа жас көрсеткіші ерлерде – 27,6. Әйелдер орташа алғанда 25 жасында тұрмысқа шыққан. Әйелдердің жартысына жуығы 20-24 жасында тұрмыс құрған екен. Ерлердің 35,6%-ы 25-29 жасында үйленді.

Былтыр жаңадан шаңырақ көтергендердің көбі елорданың, ал ең азы Солтүстік Қазақстан облысының тұрғындары. Жалпы тіркелген некелердің 15,8%-ы – этносаралық, ал 84,2%-ы бір ұлт өкілдері арасында. Ажырасқаннан кейінгі некелесу көрсеткіші ерлер арасында 16,6%, әйелдерде 14,6%.

2018 жылмен салыстырғанда былтыр ажырасулар саны 9,1% артып, 59,8 мыңды құраған. Ауылдық жерлерде некесін бұзғандар – 26,3% (15,7 мың жұп), қалада – 73,7% (44,1 мың).

Ажырасу Павлодар облысында жиірек байқалған, ең азы – Түркістан облысында. Бірінші некені ерлер орташа алғанда 37,9 жаста, ал әйелдер 34,8 жаста бұзған. Этносаралық жұптың ажырасуы – 26,6%.

Ажырасу негізінен ортақ балалары жоқ ерлі-зайыптыларға тән – 40,3%. Бір ортақ баласы барлар – 30%, екі және одан да көп баласы барлардың 29,7%-ы отбасын сақтамаған. Жұптардың басым бөлігі үйленгеннен кейін 5-9 жыл аралығында ажырасқан (27,7%). Отасқанына 2-4 жыл болғандардың ажырасуы – 21,7%, неке қиылғаннан кейін 2 жыл ішінде – 7,5%, ал отбасын құра салып 1 жыл ішінде ажырасқандар – 4,6%.

Некеде 10 жылдан астам болғандар арасында ажырасудың жалпы деңгейі 38,5%-ды құраған.

42 500 теңгені бір үйден неше адам алады?

Табысынан айырылған әр отбасы мүшесіне өтемақы төленеді.

13 Сәуір 2020 12:39 1010

42 500 теңгені бір үйден неше адам алады?

Еңбек және халықты әлеуметтік қорғау министрі Біржан Нұрымбетов төтенше жағдай кезінде бірнеше мүшесі табысынан айырылған отбасыларға қандай көмек көрсетілетінін айтты.

«42 500 теңге бір үйден 3-4 адам өтініш берсе, оны тексересіздер ме деп сұраушылар бар. Бұл жерде адам санына қарамаймыз. Егер сол семьядағы 3-4 адам ресми немесе бейресми жұмыс істеп, ақша тауып жүрген болса, төтенше жағдай кезінде сол табыстарынан айырылып қалса, адам санына қарамаймыз. Бәрі сәйкес келіп тұрса, бір семьядан 3-4 адам алам десе, алады. Ең бастысы біздің талаптарға сай келсе болды», – деді министр.

Есжан Ботақара

97 мыңнан астам отбасы АӘК тағайындауға құжат тапсырды

Оның құрамына 504,3 мың адам кіреді, оның ішінде 323,4 мыңы бала.  

03 Ақпан 2020 20:56 333

97 мыңнан астам отбасы АӘК тағайындауға құжат тапсырды

2020 жылғы 3 ақпандағы жағдай бойынша атаулы әлеуметтік көмек (бұдан әрі – АӘК) тағайындауға өтініш 97,5 мың отбасынан қабылданды, деп хабарлайды ҚР еңбек және халықты әлеуметтік министрлігі.

Өңірлер бөлінісінде өтініштердің ең көп саны Түркістан облысында – 20,3 мың отбасы, Шымкент қаласында – 14,5 мың отбасы, Алматы облысында – 9,9 мың отбасы, Жамбыл облысында – 8,2 мың отбасы, Қызылорда облысында – 7,4 мың отбасы қабылданды.

Өңірлерде 2,6 мыңнан астам учаскелік комиссия жұмыс істейді. Олар жүргізген зерттеу нәтижелерін ескере отырып, АӘК 46,8 мың отбасыға немесе 236,5 мың адамға тағайындалды. АӘК тағайындауға өтініш берген отбасылардың материалдық жағдайын тексеру жұмыстары жалғасуда.

Өңірлер бөлінісінде ең көп тағайындау саны Алматы облысына – 6617 отбасы, Шымкент қаласына – 5992 отбасы, Жамбыл облысына – 5427 отбасы, ШҚО – 4437 отбасыдан  келеді.

Бұдан бұрын хабарланғандай, Мемлекет басшысының 2 қыркүйектегі Қазақстан халқына Жолдауында айтылған тапсырмасы бойынша АӘК тағайындау тетігі оның айқындылығын, әділдігін және еңбекке ынтасын қамтамасыз ету мақсатында түзетілді. Мемлекеттік көмектің жаңа шаралары кешенді түрде іске асырылуда және оған: көпбалалы отбасыларды қолдау, жаңғыртылған атаулы әлеуметтік көмек, табысы аз отбасыларындағы балаларға арналған кепілдік берілген әлеуметтік топтама кіреді.

Ағымдағы жылғы 1 қаңтардан бастап Қазақстанда 4 және одан да көп кәмелетке толмаған немесе 23 жасқа дейінгі күндізгі оқу бөлімінде оқитын студент балалары бар көпбалалы отбасыларға арналған жаңа мемлекеттік жәрдемақы енгізілді. Бұл мемлекеттік жәрдемақы отбасының табысына қарамастан 42 496 теңгеден 74 388 теңгеге дейін сараланған мөлшерде төленеді. Осындай төлемді ағымдағы жылғы қаңтарда жалпы сомасы 17,7 млрд.теңгеге 367 мың отбасы алды.

Табысы аз отбасыларға атаулы әлеуметтік көмек көзделген. АӘК тағайындау үшін басты критерий – отбасының әрбір мүшесіне жан басына шаққандағы орташа табысы өңірдің ең төменгі күнкөріс деңгейінің 70%-ынан төмен болуға тиіс. Отбасының барлық мүшелері үшін АӘК мөлшері жан басына шаққандағы табыс пен кедейлік шегінің арасындағы айырма ретінде айқындалады. АӘК ашықтығын қамтамасыз ету үшін ол тоқсан сайын тағайындалатын болады, ал отбасының материалдық жағдайына тексеру жүргізу мерзімі 3 күннен 7 күнге дейін ұлғайтылады. АӘК тағайындау кезіндегі маңызды талаптардың бірі жұмысқа қабілетті отбасы мүшелерінің жұмыспен қамтуға жәрдемдесу шараларына міндетті түрде қатысуы болып табылады. Жұмыспен қамтуды қамтамасыз ету үшін «Еңбек» мемлекеттік бағдарламасын іске асыру шеңберінде көпбалалы және табысы аз отбасыларға үйде жұмыс істеу үшін де, өз ісін ашу үшін де кең мүмкіндіктер беретін жаңа тетіктер көзделген.

Бұдан басқа, АӘК алатын табысы аз отбасылардың балаларына кепілдік берілген әлеуметтік топтама ұсынылатын болады. 1 жастан 6 жасқа дейінгі балалар үшін әлеуметтік топтамаға азық-түлік жиынтығы мен тұрмыстық химия тауарларының жиынтығы кіреді. 6 жастан 18 жасқа дейінгі балалар үшін мектептерде ыстық тамақ, оқу құралдары мен мектеп киімдерін беру көзделеді. Сондай-ақ, осы санаттағы балалар үшін мектепке дейінгі жол жүру шығындары өтелетін болады. Медициналық, оның ішінде стоматологиялық көмек 18 жасқа дейінгі балаларға тегін медициналық көмектің кепілдік берілген көлемі және міндетті әлеуметтік медициналық сақтандыру шеңберінде көрсетілетін болады.

Айта кету керек, АӘК көрсетудің жаңа тетіктерінің енгізілуіне байланысты республикалық және жергілікті бюджеттерден табысы аз және көпбалалы отбасыларды әлеуметтік қолдауға арналған қаржыландыру көлемі ұлғайтылды. 2020 жылы бұл мақсатқа 326,9 млрд теңге бөлінді (республикалық бюджеттен – 279,9 млрд теңге, жергілікті бюджеттен – 46,9 млрд теңге). 2019 жылы АӘК төлеуге 244,2 млрд теңге бөлінді.

Жаңа тәсілдерге сәйкес ақшалай және заттай түрдегі әлеуметтік қолдау мөлшері табысы аз және балалар саны көп отбасылар үшін көбірек болады. Бұл ретте отбасының әрбір мүшесіне АӘК төлеу сомасы орташа есеппен 10 мың теңгені құрайды, ал табысы жоқ отбасыларда әлеуметтік көмек тағайындау үшін белгіленген критерийден толық көлемде – өңірлік күнкөріс деңгейінің 70%-ы. Осылайша, табысы аз отбасылар, көпбалалы отбасыларға берілетін мемлекеттік жәрдемақыны есептемегенде, әр балаға орташа есеппен 20 мың теңге атаулы әлеуметтік көмек алатын болады. Оның 10 мыңға жуығы – АӘК-тің ақшалай төлемі, 10 мыңға жуығы – заттай түрдегі кепілдік берілген әлеуметтік топтама.