"Бұл ұлттық парктерге өз жобаларын табиғатқа зиян келтірмей жүзеге асыратын инвесторларды тарту ісінің тиімділігін тағы бір мәрте дәлелдейді. Сондай-ақ орналастыру орындары көрсететін қызмет көлемі де өсуде. Мысалы, былтырғы тоғыз айдың қорытындысы 2020 жылдың сәйкес кезеңімен салыстырғанда 66%-ға өскені байқалады. Орналастыру орындары 182 бірлікке, ал олардың біржолғы сыйымдылығы тоғыз мыңнан астамға көбейді. Яғни біржолғы тәртіпте 200 мыңға жуық адамды қабылдай аламыз", – деді министр.
Оның айтуынша, эпидемиологиялық жағдай мен шекарадағы карантин шектеулерінен сырттан келетін туристер саны айтарлықтай төмендегені белгілі. Дегенмен карантиндік талаптар жеңілдегеннен кейін бірқатар көрсеткіш, оның ішінде ішкі туризмнің жақсарғаны байқалып отыр. 2021 жылғы тоғыз айдың қорытындысы бойынша ішкі туристер саны 5,2 млн адам болды. Бұл 2019 жылғы карантинге дейінгі көрсеткішпен салыстырғанда 100 мың адамға артық", – деді Абаев.
