Он жыл ішінде ластаушы шығарындылар көлемінің аздап өсуі байқалып отыр, деп жазады inbusiness.kz Бірінші кредиттік бюроның Телеграм арнасына сілтеме жасап.
Ұлттық статистика бюросының мәліметінше, былтыр атмосфераға 2 млн 314,8 мың тонна ластаушы заттар шығарылды. Бұл 2013 жылмен салыстырғанда 1,4%-ға артық.
DATA HUB мәліметінше, шығарындылардың айтарлықтай төмендеуі туралы айтуға әлі ерте. 2021 жылмен салыстырғанда 3,8 пайызға немесе 92,7 мың тоннаға төмендеудің байқалғаны шындық. Дегенмен де көрсеткіш әлі де жоғары болып отыр. 2018 жылдан 2021 жылға дейін бұл көрсеткіш 2,4 млн тоннадан асқан.
"2022 жылы бір қазақстандыққа орта есеппен 117,9 кг шығарынды тиесілі. Ең нашар жағдай Павлодар (958,3 кг), Ұлытау (475,1 кг) және Қарағанды (413,3 кг) облыстарында тіркелді. Ең "таза" ауа – Түркістан (12 кг) және Жетісу (18,7 кг) облыстарында. Мұны өнеркәсіп орындарының шоғырлануымен оңай түсіндіруге болады. Ұлттық статистика бюросы тек стационарлық көздердің шығарындыларын есепке алады", - делінген хабарламада.
Негізгі ластаушы заттарға күкіртті ангидрид (35,5%), көміртегі тотығы (19,3%) жатады.
