2019 жылы банктер телекоммуникация саласына рекордтық сома несие берген, деп хабаралды Ranking.kz.
Мәселен өткен жылдың желтоқсан айында аталған салаға 4,6 млрд теңге қарыз берілген. Бұл қараша айымен салыстырғанда 22,1%-ға, 2018 жылдың сәйкес кезеңімен салыстырғанда 9,1%-ға төмен.
Ал мамыр айында 94,2 млрд теңге несие қарастырылған. Бұл рекордтық көрсеткіш. Себебі 2018 жылдың сәйкес кезеңінде бұл көрсеткіш 19,6 млрд теңгені құраған.
Желтоқсан айында берілген несиелердің орташа пайыздық мөлшерлемесі 12,9% болды. Жалпы 2019 жылы ақпарат және байланыс саласына қарастырылған қарыз сомасы 131,8 млрд теңге, яғни, рекордтық көрсеткішке жетті. Бұл 2018 жылмен салыстырғанда 2,6 есеге жоғары. Осы орайда "сапасыз" несиелер көлемі 0,5%-ға төмендеп, 588 млн теңгеге тұрақтады.
