Былтыр күзетшілердің қанша қылмыс жасағаны айтылды

Бұл туралы Күзет қызметін жетілдіруге арналған заң жобасын талқылау барысында сөз болған. 

Былтыр күзетшілердің қанша қылмыс жасағаны айтылды Фото: Костанайские новости

Қылмыс статистикасын Ішкі істер министрінің орынбасары Игорь Лепеха мысалға келтірді, деп жазады inbusiness.kz сайты. 

Заң жобасын талқылау кезінде депутат Аманжол Әлтай тұрғындардың күзетшілерден зардап шегу фактісі көбейіп кеткенін жеткізген. 

Өз кезегінде Игорь Лепеха ондай жайтқа жол берген күзетшілер заң аясында жазасын алатынын айтып, мұндай статистиканың соншалықты жоғары емес екеніне тоқталды. 

– Бүгінгі таңда біздегі күзет ұйымдарының штатында 95 мың күзетші есепте тұр. 2023 жылы күзетшілердің қолымен 18 қылмыс жасалды. 2024 жылы 17 қылмыс тіркелген. Яғни, қылмыстың санын күзетшілердің санына бөліп қарасақ, соншалықты жоғары емес.

Күзетші де қылмыс жасаса, кез келген азамат сияқты әкімшілік немесе қылмыстық жауапкершілік арқалайды, – деді ол.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу