Маңғыстау – бала туу көрсеткіші артып келе жатқан өңір. Былтырғы (2021) статистикаға сүйенсек, облыста 23 173 сәби дүниеге келген. Ал 2020 жылы туғандар саны 22 мыңға таяу. Пайыздық көрсеткіш 6.3%-ға өскен.
Былтырғы есепте ұлдардың саны басым. Әлихан, Айсұлтан, Әмір есімдері жиі кездеседі. Ал қыздарға Медина, Айзере және Айлин деген ат көбірек қойылған. Дегенмен ұл мен қыздың санында аса үлкен айырмашылық жоқ (11 841 – ер бала, 11 332 – қыз).
"Бала туу көрсеткішінде Маңғыстау облысы республикада көш бастап тұр", – деп хабарлайды облыстық денсаулық сақтау басқармасының баспасөз қызметі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
