Пандемия салдарынан 2020 жылы музей тамашалайтындардың саны күрт кемігені белгілі, деп жазады inbusiness.kz сайты.
ҚР Мәдениет және ақпарат министрлігі музейлер мен тарихи-мәдени нысандарға баратын қазақстандықтардың санын көбейту жоспарын орындай алмағаны айтылды. Бұл туралы ведомствоның есебінде сөз болған.
– Ұлттық статистика бюросының статистикалық деректері бойынша 2023 жылы музейлер мен тарихи-мәдени мұра объектілеріне барушылар саны – 6 255 900 адам. 2019 жылы жылы бұл көрсеткіш 6 829 300 адам болған еді, яғни 8,4% аз, – деп жазылған мәліметте.
Мәдениет және ақпарат министрлігінің 2023-2027 жылдарға арналған Даму жоспары бойынша 2023 жылы музейге барушылардың саны 2019 жылғы деңгейден 2% көп болуы керек еді. Десе де, жоспар орындалмай отыр.
Ресми статистикаға сүйенсек, пандемиядан кейінгі алғашқы үш жылдың көрсеткіші мынандай:
- 2020 жылы – 2 351 300 адам,
- 2021 жылы – 5 104 900 адам,
- 2022 жылы – 6 097 300 адам.
