Қызылорда облысы халқының саны 2019 жылғы 1 ақпандағы жағдай бойынша 795,3 мың адамды құрайды, деп хабарлайды өңір әкімінің баспасөз қызметі.
Өткен жылдың қаңтар-желтоқсан айында өңірде 19,1 мың бала дүниеге келіпті. Олардың ішінде 179-ы – егіз бен үшем. Нәрестелере қойылған аттардыі ішінде Нәйлә, Інжу, Раяна, Айару, Мансұр, Айсұлтан, Нұрасыл есімдері ең жиі кездеседі.
Сыр өңірінде 2018 жылы 5735 жұп некеге отырған, алайда 1708-і бір жыл толмай ажырасып үлгерген, яғни 100 некенің 34-і ажырасатыны анықталған.
Алғашқы некеге тұрудың ерлер бойынша орташа жасы – 27 болса, әйелдерде – 24 жас.
Аймақ халқының орташа өмір сүру ұзақтығы 1995 жылмен салыстырғанда 5,2 жылға артып, 72,6 жылды құрады. Мәселен, ерлерде – 68,6 жас, ал әйелдерде – 76,5 жас, 7,9 жас айырмашылығы бар.
