2018 жылы мемлекеттік еңбек инспекторлары (МЕИ) 1,2 мың кәсіпорынның 3,7 млрд теңге сомасындағы қарызын анықтады. Қабылданған шаралардың нәтижесінде 32 мың жұмысшының құқығы қорғалып, олардың алдындағы 3,2 млрд теңге қарыз өтелді, деп хабарлайды ҚР еңбек және халықты әлеуметтік қорғау министрлігінің баспасөз қызметі.
2019 жылдың 1 қаңтарында 6203 жұмысшының алдындағы жалақы бойынша қарыз 1,97 млрд теңгені құрады. Бұл 139 жұмыс берушінің қарызы. Олардың 77% -ы, яғни 108 кәсіпорын банкротқа ұшыраған (1,52 млрд теңге).
Өткен жылы мемлекеттік еңбек инспекторлары жалпы 8,7 мың тексеру жүргізіп, 11,9 мың бұзушылықты анықтады. Ал жұмыс берушілерге 5,1 мың ұйғарым беріліп, 402,4 млн теңгеге 2,5 мың айыппұл салынды.
Құқық қорғау органдарына 1,4 мыңға жуық материал жолданып, осы материалдар бойынша 98 қылмыстық іс қозғалды.
