Бұл 2021 жылмен салыстырғанда 23% және 2020 жылмен салыстырғанда екі есе дерлік көп. Қыркүйек айы жұмыс берушілер белсенділігінің ең жоғары айы (шамамен 42 000 бос жұмыс орны) және ең азы - қаңтар (шамамен 27 000 бос жұмыс орны) болды.
Қазақстан қалалары бойынша бос жұмыс орындарының динамикасына қарасақ, көш басында Алматы (Қазақстандағы барлық бос жұмыс орындарының 41%) және Астана (20%) тұр.
Осы динамикаға сүйене отырып, елдегі еңбек нарығының негізгі проблемаларының бірі – іскерлік белсенділіктің мегаполистерге шоғырлануы екенін байқаймыз. Барлық hh.kz сайтына жүгінгендердің 40%-дан астамы Алматыда, 20%-ы Астанада жұмыс іздейді.
Жаһандық экономикалық дағдарыс пен инфляцияға қарамастан жұмыс берушілер қызметкерлердің жалақысын көтереді. Осы арқылы компаниялар қазір тапшы болып отырған жоғары білікті мамандарды тартуға тырысуда. Бір жылда ұсынылған орташа арифметикалық жалақы 246 890 теңгені құрады. Өткен жылмен салыстырғанда өсім 16,4%. Ұсынылатын орташа жалақы 204 578 құрайды. Өткен жылмен салыстырғанда өсім 12%.
Ең жоғары орташа жалақы Астана (шамамен 222 мың теңге), Алматы (шамамен 202 мың теңге), Қарағанды (шамамен 194 мың теңге) және Атырау (шамамен 190 мың теңге) қалаларында белгіленді.
2022 жылы Қазақстанның екі миллионға жуық тұрғыны hh.kz сайтында жұмыс іздеген, бұл өткен жылмен салыстырғанда 70%-ға көп. Белсенді түйіндемелердің ең көп санын Алматы, Астана және Шымкент қалалары көрсетті.
