2022 жылы "Қазақстан темір жолы" (ҚТЖ) ұлттық компаниясының қызмет көрсету желісі бойынша 10 млн тонна астық тасымалданды, оның ішінде 8 млн тоннасы экспортқа жөнелтілді, бұл 2021 жылмен салыстырғанда 18%-ға артық, деп хабарлайды inbusiness.kz баспасөз қызметіне сілтеме жасап.
"Былтырғы жылы да Орталық Азия елдері қазақстандық астықтың негізгі нарығы болды, бұл бағыттағы экспорт 11%-ға өсіп, 5,6 млн тоннаны құрады", - делінген ақпаратта.
Бұл ретте Қытайға жеткізілім көлемі 2,3 есеге өсіп, 600 мың тоннаны құраған.
"Бұл өсім контейнерлік тасымалдың дамуымен байланысты", - деді компания өкілдері.
Ұнтақталған өнімдерді тасымалдауда да оң динамика байқалды. Осылайша, 2022 жылы ұн тасымалдаудың жалпы көлемі 3,1 млн тоннаны құрады, оның ішінде экспортқа – 2,3 млн тонна тасымалданған. Оның ішінде негізгі көлем Орталық Азияға – 2 млн тонна және 300 мың тонна - Қытайға жөнелтілген.
