"Бюджет жобасын қарау барысында оның бағыттары мен мазмұны жан-жақты талқыланды. Атап айтқанда, 2021 жылға арналған республикалық бюджет түсімі 11,4 трлн теңге көлемінде анықталды. Бюджет тапшылығы 2021 жылы жалпы ішкі өнімнің 3,4%-нан 2023 жылы кезең-кезеңмен 2,1%-ға дейін төмендейді деп айқындалды. Бюджет шығысы 2021 жылы 14 трлн теңгені құрайды. Басымдық – халықтың әл-ауқатын арттыру. Оны бюджеттің әлеуметтік шығысының динамикасы көрсетіп отыр. Мәселен осы бағыт бойынша үшжылдық кезеңдегі шығы 23,4 трлн теңгені, оның ішінде 2021 жылы - 7,1 трлн теңгені немесе шығыстардың жалпы көлемінің 50,5% құрайды", – деді ол.
Министрдің мәлімдеуінш е,әлеуметтік көмекке және қамсыздандыруға 12,6 трлн теңге, оның ішінде 2021 жылға 4 трлн теңге жоспарланған.
Оның 96,3%-і зейнетақы, жәрдемақы, атаулы әлеуметтік көмек, жекелеген санаттағы азаматтарға біржолғы қаржылай өтемақы төлеуге арналған.
Қанат Махамбет
