Бірыңғай жинақтаушы зейнетақы қоры АҚШ пен Қазақстанның мемлекеттік құнды қағаздарына 643,5 млрд теңге жұмсады. Бұл туралы LS басылымы хабарлады.
Тамыз айында БЖЗҚ кірістілігі 9,11% болатын Ұлттық банктің қысқамерзімді дисконттық ноталарын 192,9 млрд теңгеге, кірістілігі 8,92% болатын қаржы министрлігінің қағаздарын 10,5 млрд долларға сатып алды.
"БЖЗҚ-дағы негізгі үлес қазақстандық құндық қағаздарға тиесілі, олардың қазіргі бағасы тамыз айында 55,3 млрд теңгеге көтеріліп, 4,05 трлн теңге болды.Үлес – 39,33%", – деді қор өкілдері.
Ал шетелдік акциялар мен облигациялардың үлесі – 15,98%, яғни 1,6 трлн теңге.
Сонымен қатар БЖЗҚ шетелдік банктерге кірістілігі 2,18% болатын 708,6 млрд теңге көлемінде валюталық салым, ал Ұлттық банктің бір күндік депозитіне кірістілігі 8% болатын 2,3 трлн теңге салды. Естеріңізге сала кетейік, зейнетақы қоры тамыз айында "Бәйтерек" облигацияларын 12,5 млрд теңгеге, ал Еуразиялық банк облигацияларын 1 млрд теңгеге сатып алған болатын.
Бұған дейін қыркүйекте "Қазақстан темір жолы" облигациялары БЖЗҚ-ға 20 млрд теңгеге сатылып, қор "ҚазАгро" холдингіне 624 млрд теңге көлемінде қарыз берген.
Табиғат Нұрболат
