БЖЗҚ мобильді қосымшасында енді инвесторлар авторизацияның басқа әдісіне қол жеткізе алады. Мобильді қосымшадағы жеке кабинетке тек ЖСН және құпия сөзді пайдаланып қана қоймай, телефоныңызға алдын ала жүктеп алуыңызға болатын "Egov mobile" электрондық үкімет қолданбасы арқылы кіруге болады, деп жазады inbusiness.kz сайты.
"Біз әрекеттер алгоритмін ұсынамыз. БЖЗҚ мобильді қосымшасына кіргеннен кейін "Кабинет" түймесін тауып, басыңыз. Әрі қарай, біз "Egov mobile" авторизация әдісін таңдаймыз, ЖСН енгіземіз және "Egov mobile арқылы кіру" түймесін басу қажет. Осыдан кейін, біз "Egov mobile" бағдарламасында авторизацияны растаймыз және сәтті авторизация расталатын БЖЗҚ қолданбасына ораламыз. Әрі қарай, "Кіру" түймесін басу арқылы біз жеке кабинетімізге кіреміз", - делінген хабарламада.
Сонымен қатар, БЖЗҚ мобильді қосымшасының жеке кабинетіндегі авторландыруға арналған бейне нұсқаулар қордың веб-сайтында және YouTube арнасында қолжетімді.
"БЖЗҚ консалтингтік қызметтерін мессенджерлер (WhatsApp және Viber-те +7-777-000-14-18 телефоны арқылы чат-бот), 1418 байланыс орталығы (Қазақстан бойынша қоңырау шалу тегін) арқылы алуға болады. Сондай-ақ, enpf.kz корпоративтік веб-сайтында, Instagram, Facebook, VKontakte, Twitter, Telegram, Одноклассники әлеуметтік желілеріндегі БЖЗҚ ресми парақшаларынан табуға болады", - деп қосты қордың қызметкерлері.
