"Алтын валюта резерві қыркүйектің соңында 35,6 млрд долларды құрады. Көрсеткіш қыркүйектің басынан бері 1,2 млрд долларға төмендеді. Алтын портфелі АҚШ қазынашылық облигациялары кірістілігінің өсуі нәтижесінде алтын бағасының бір унция үшін 1 731 долларға немесе 4,6%-ға төмендеуі салдарынан 0,8 млрд долларға азайды", – деді Ерболат Досаев.
Бұдан кейін Ұлттық банк төрағасы бірыңғай жинақтаушы зейнетақы қорындағы активтер жыл басынан бері 194,3 млрд теңгеге немесе 1,5%-ға ұлғайып, 13,1 трлн теңгеге жеткенін жариялады.
"Салымшылардың зейнетақы жинақтарын мерзімінен бұрын алуға арналған 491,7 мың өтініші орындалып, 1,9 трлн теңге аударылды. Оның 97,5%-ы тұрғын үй мәселесін шешуге қатысты болды. Биылғы 9 айдың қорытындысы бойынша инфляция 6,2% болған кезде 8,9% мөлшерінде кірістілік алынды. Осылайша биылғы жылдың басынан бастап Бірыңғай жинақтаушы зейнетақы қорының салымшыларына 2,7% мөлшерінде нақты кірістілік қамтамасыз етілді", – деді Ерболат Досаев.
Қанат Махамбет
