ЦАХАЛ өкілі контр-адмирал Даниэль Хагари Израиль әскерилері Палестина алаңының астындағы Газа қаласында туннельдердің үлкен желісін тапқанын мәлімдеді. Бұл туралы inbusiness.kz сайты BBC News телеарнасына сілтеме жасап хабарлайды.
"Палестина алаңында Яхья Синвардың (Газа секторындағы ХАМАС басшысы) кеңсесі, мемлекеттік мекемелер, ХАМАС-тың жоғары лауазымды шенеуніктерінің жылжымайтын мүліктері және лаңкестік туннельдер желісі болды", - деп түсіндірді ол.
Хагаридің айтуынша, әскерлер нақты барлау мәліметтерін қолдана отырып, аймақта "Аш-Шифа" ауруханасына қосылатын стратегиялық туннельдер желісін тапқан.
"Бұл ХАМАС-тың жоғары лауазымды мүшелері 7 қазанда және ұрыс кезінде болған негізгі басқару орталығының — аймағы", - деп толықтырды ол.
Сонымен қатар, Хагари Палестина алаңының астындағы туннельдерді зерттеу жалғасып жатқанын атап өтті.
