АҚШ Әділет министрлігі Украинаға құны 1 миллиард доллардан асатын ресейлік активтерді жіберу мүмкіндігін қарастырып жатыр, деп хабарлайды Inbusiness.kz CBS ақпарат көзіне сілтеме жасап.
Украинада соғыс басталған кезден — 2022 жылдың ақпан айының соңынан бастап Америка билігі бүкіл әлем бойынша жалпы сомасы 1 миллиард доллардан асатын ресейлік активтерді тәркіледі немесе алып қоюға ықпал етті.
"Біз конгресстен алынған қаражатты украин халқының игілігі үшін пайдалануға рұқсат сұраймыз", - деді Әділет Министрінің бірінші орынбасары Лиза Монако.
АҚШ-тың Бас прокуроры Меррик Гарленд мамыр айында ресейлік олигархтың санкцияларын бұзғаны үшін тәркіленген активтерін Украинаға беруге рұқсат берді, деп жазды Reuters.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
