Осыған байланысты Air Astana әуекомпаниясы жолаушыларға рейске алдын-ала онлайн тіркелуге кеңес берді, деп хабарлайды inbusiness.kz.
Авиакомпания 6-8 мамыр аралығында Ұлыбритания монархының таққа отыру рәсіміне орай Лондонның Хитроу әуежайына келетін жолаушылар саны күрт өсетінін атап өтті.
"Сондықтан Лондонда қоғамдық көлік жұмысында кедергілер болуы мүмкін. Жолаушылардан маршрутты алдын ала жоспарлап, әуежайға неғұрлым ертерек келуді сұраймыз", – делінген Air Astana хабарламасында.
Ал Лондон әуежайында ұзын-соңар кезектерді болдырмау үшін жолаушыларға "Air Astana сайты немесе мобильді қосымшасы арқылы рейске онлайн-тіркеуден өту" ұсынылады.
"Онлайн-тіркеу 36 сағат бұрын ашылады және кесте бойынша ұшудан бір сағат бұрын жабылады", - деп еске салды Air Astana.
