Кореялық KHNP компаниясы Чехиядағы Дуковандағы атом электр станциясында екі жаңа атом энергоблоктарын салумен айналысады. Бұл туралы Чехия Үкіметінің баспасөз қызметі хабарлады, деп жазады inbusiness.kz сайты.
"Кореяның ұсынысы барлық бағаланған критерийлер бойынша жақсырақ болды", – деді Премьер-Министр Петр Фиала.
Оның айтуынша, бір жаңа блоктың бағасы 200 миллиард крон немесе шамамен 8 миллиард еуроны құрады. Дуковандағы алғашқы жаңа қондырғыны сынақтан өткізу 2036 жылдың соңына жоспарланған, ал коммерциялық пайдалану кестеге сәйкес 2038 жылы басталуы керек. Сонымен бірге, Чехия Үкіметі Темелиндегі атом электр станциясында тағы екі энергоблок салу нұсқасы бойынша келіссөздерді жалғастырады.
Құрылысты қаржыландыруға байланысты Чехияның Қаржы министрлігі бастаған жұмыс тобы құрылды, ол осы жылдың соңына дейін өз жоспарларын ұсынуы керек.
Естеріңізге сала кетейік, қазіргі уақытта Чехияда екі электр станциясында алты атом энергоблоктары бар. Әрқайсысының қуаты шамамен 1000 МВт болатын екі қуат блогы Чехияның оңтүстігіндегі Темелинде орналасқан. Требич ауданындағы Дукованда қуаты 510 МВт тағы төртеуі бар. Бұған дейін Прага Ресеймен энергия блоктарын салу мәселесінде ынтымақтастықтан бас тартқан.
