Биылғы жылы автомобиль зауыттары өткен жылмен салыстырғанда бір ай бұрын жарты миллион автокөлік өндірген, деп хабарлайды inbusiness.kz Чех автомобиль өндірушілері қауымдастығына сілтеме жасап.
Сәуірде 134 912 автомобиль шығарылды, бұл өткен жылмен салыстырғанда 24%-ға артық көрсеткіш. Қауымдастықтың атқарушы директоры Зденек Петцл Чехияның жеңіл автомобильдер өндірісі коронавирустық дағдарысқа дейінгі деңгейге оралғанын атап өтті.
Германияның "Фольксваген" тобына кіретін Чехияның ең ірі автомобиль өндірушісі "Шкода" 2024 жылдың қаңтар-сәуір айлары аралығында 330 175 жеңіл автомобиль шығарды, сол арқылы өндіріс 11,2%-ға артты. Өндірілген автомобильдердің 6,3%-ы (20 647 автомобиль) электромобильдер болды. Оның 17 102-сі толығымен электрлік, ал қалғандары гибридті қозғалтқыштармен.
Оңтүстік кореялық "Хёндай" өндірісті 2,3%-ға — 117 300 бірлікке дейін арттырды. Жалпы өндірістің 16,2%-ын электромобильдер құрады. Жапондық "Тойота" зауыты 83 880 шағын көлікті шығарды, яғни көрсеткіш өткен жылдың алғашқы төрт айымен салыстырғанда 58,4%ға өсті. Өндірістің жартысы гибридті қозғалтқыштары бар "Ярис ХЭВ" модельдері болды.
