Чехиядағы президенттік сайлаудың екінші турында қазіргі мемлекет басшысы Милош Земан жеңіске жетті, деп хабарлайды khabar.kz.
Жұма күні басталып, екі күнге созылған саяси додада Земан сайлаушылардың 51,5 пайыз дауысын жинады. Ал оның қарсыласы Чехия Ғылым академиясының бұрынғы төрағасы Иржи Драгош дауыс берушілердің 48,5 пайыз қолдауына ие болды. Сөйтіп Милош Земан екінші рет қатарынан ел президенті қызметін атқарады.
Дегенмен, Чехия парламенттік мемлекет болғандықтан, президенттің елдің саяси өміріне ықпалы аз. Ал жаңа басшыны ұлықтау шарасы 8 наурыз күні өтеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
