Чехияда рекордтық бюджет тапшылығы тіркелді

556

Чехия экономикасы алғашқы үш айда әлеуметтік төлемдер мен энергия жетіспеушілігінен шығынға батты.

Чехияда рекордтық бюджет тапшылығы тіркелді Фото: on.cz

Бұл туралы 3 сәуірде республиканың қаржы министрі Збынек Станюра мәлімдеді, деп жазады inbusiness.kz.

"Мемлекеттің экономикасы жылдың бірінші тоқсанында теріс бағытта дамыды, оған негізінен әлеуметтік төлемдер мен адамдарға энергия төлеуге көмектесу, ескі қарыздар бойынша сыйақы төлеу, сондай-ақ мемлекеттің жоғары инвестициялық белсенділігі салдарынан қосымша шығындардың 100 миллиардтан асуы себеп болды (4,25 миллиард еуродан астам),", - деді ол.

Оның айтуынша, наурыз айында мемлекеттік бюджет тапшылығы 166,2 млрд кронды (7 млрд еуродан астам) құрады. Бұл Чехия құрылғаннан бергі бірінші тоқсанның ең нашар нәтижесі. Бұл ретте Станюра 295 млрд крон (шамамен 12,5 млрд еуро) мөлшерінде жоспарланған тапшылықты қолдауға басымдық берілетінін хабарлады.

"Мен жылдың екінші жартысында экономика көрсеткіштері жақсарады деген сенімдемін және басымдық 295 миллиард крон бюджет тапшылығын сақтап қалуға беріледі. Әрине, оған энергия бағалары және соған байланысты күтпеген шығындар салығы мен электр энергиясын шамадан тыс сатқаны үшін төлемдер әсер етуі мүмкін", — деді министр.

Кейінірек, Чехия Премьер-министрі Петр Фиала үкімет жоспарланған тапшылыққа сәйкес келеді және бюджет жыл бойына тұрақтанады деп мәлімдеді.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу