Мұндай тұжырымға Чехияның қоғамдық пікірді зерттеу орталығының (CVVM) азаматтардың мемлекеттік биліктің негізгі органдарына деген сенім деңгейі туралы сауалнамасы дәлел бола алады, деп жазады inbusiness.kz.
Алынған мәліметтерге сәйкес, бүгінгі таңда республика тұрғындарының ең үлкен сеніміне елді мекендердің басшылары (старосталар) пен муниципалдық билік өкілдері ие, олар сауалнамаға қатысқандардың 65% дауысын жинады. Ал респонденттердің үкімет пен депутаттар палатасына деген сенімі ең аз көрсеткішке ие болды — 33% дауыс. Сенатқа сауалнамаға қатысқандардың тек 36%-ы, өлкелік билікке — 46%-ы, өңір басшыларына - 45%-ы ғана сенеді.
Сауалнама барысында респонденттерден Чехиядағы өзекті саяси жағдайға баға беру сұралды. Чехтердің 53%-ының көңілі толмайды, тек 19%-ы оң жауап берді.
Естеріңізге сала кетейік, Чехияның қоғамдық пікірді зерттеу орталығы (CVVM) ЧР Ғылым Академиясының Әлеуметтану институтының зерттеу бөлімі және осындай сауалнамаларды тұрақты негізде жүргізеді. Аталмыш зерттеу 31 қаңтардан 20 наурызға дейін жүргізілді.
