Дауыс беру қорытындысы бойынша түркиялық "Бешикташ" командасының форварды Дженк Тосунның соққан голы 2016-2017 жылғы Чемпиондар лигасының ең үздік голы деп таңдалды, деп хабарлайды aikyn.kz.
Чемпиондар лигасының топтық кезеңінде португалиялық "Бенфика" (3:3) командасының қақпасына Тосун соққан гол дауыс беру кезінде 41% қолдау тауып, турнирдің ең үздік голы атанды.
Түрік футболшысы дауыс беруде ЧЛ финалында "Реалдың" қақпасына гол салған Марио Манджукич пен "Спортингпен" кездесуде мергендік танытқан Криштиану Роналдудан да озып кеткен.
Ең қызығы, бұған дейін де талай рет ЧЛ-дың үздік голдарын анықтап келген УЕФА-ның техникалық бақылаушылары үздік гол авторы деп Манджукичті таңдаған. Олардың есебі бойынша Тосунның голы алғашқы ондыққа да кірмеген екен.
