АҚШ-тың Чикаго қаласында белгісіз біреулер жерлеу бюросының қасында атыс ашқан. Салдарынан кемінде 14 адам жарақат алды. Бұл туралы жергілікті ақпарат құралдары хабарлап жатыр. Қаладағы полицей басқармасының дерегінше, оқиға шаһардың оңтүстік бөлігінде болған.
Жарақат алғандардың барлығы да ем қабылдап жатыр. Бірақ олар бес түрлі ауруханаға жатқызылды. Құқық қорғаушылар осы атысқа қатысы бар бір адамды қолға түсірген. Қалғандары іздестіріліп жатыр.
Атыс куәгерлерінің сөзінше, қаскөйлер жүріп келе жатқан автокөліктен адамдарға оқ жаудырған. Әзірге олардың мұндай қадамға неліктен барғаны белгісіз. Зардап шеккендердің арасында жерлеу рәсіміне келгендер бар.
Табиғат Нұрболат
Фото: chicago.suntimes.com
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
