"Елде электр энергиясы тапшылығының өсуіне жол бермеу, сондай-ақ қызметтің аталған түрін көлеңкелі сектордан шығару мақсатында Премьер-Министр тиісті министрліктерге осы қызметті заңнамалық түрде реттеу, оның ішінде лицензиялауды енгізу қажеттігіне байланысты бірқатар нақты тапсырмалар берді", – деп жазылған Үкімет басшысы баспасөз қызметі таратқан ақпаратта.
Қазіргі уақытта майнинг мәселелері бойынша заңнамаға қажетті түзетулер әзірленіп жатыр.
2021 жылға дейін электр энергиясын тұтыну 2%-ға артқан. Өткен жылдың қорытындысы бойынша бұл көрсеткіш 6%-дан асты. Мұндай елеулі өсім – көлеңкелі майнингтің салдары екені айтылып отыр.
Бұған дейін Президент Қасым-Жомарт Тоқаев ел үкіметіне 2022 жылдың 1 сәуіріне дейін криптовалютаны өндіруді реттеу және дамыту бойынша шаралар кешенін әзірлеуді тапсырған болатын.
