Әлемде бір күн ішінде 308 мың адам коронавирус дертіне шалдықты. Мұндай рекордтық көрсеткіш пандемия басталғалы алғаш рет тіркеліп отыр. Бұл туралы Дүниежүзілік денсаулық сақтау ұйымы мәлім етті.
Нақтырақ айтқанда, соңғы тәулікте 307 930 адамның ағзасынан коронавирус анықталған. Бұған дейінгі рекорд 6 қыркүйекте тіркелген еді. Ол кезде көрсеткіш 306 857 болды.
Ұйымның дерегін сүйенсек, осы күнге дейін 28 637 952 адам вирус жұқтырып, оның 917 417 ауруын асқындырып қайтыс болған.
Еске сала кетсек, Дүниежүзілік денсаулық сақтау ұйымы 11 наурызда жаңа коронавирус инфекциясын пандемия деп таныған болатын.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
