Минск–Нұр-Сұлтан әуе рейсімен елімізге келген Түркия мен Белорусь елінің азаматтары кері қайтарылды. Еліміздің бас санитарлық дәрігері Сәдуақас Байғабылов осындай мәлімет айтты.
"7 қазанда Минск–Нұр-Сұлтан әуе рейсімен келген Түркия азаматының ПТР-тестен, Белорусь азаматының экспресс-тестен өткені туралы анықтамалары 1 қазанда берілген болып шықты. Сондықтан олар депортацияланды", – деді Сәдуақас Байғабылов.
6 қазанда күшіне енген карантиннің жаңа ережесі бойынша, COVID-19-ға ПТР-тестен өткені туралы анықтама 72 сағатқа ғана жарамды деп бекітілген. Бұл мерзімнен асқан анықтамасы бар шетелдіктер Қазақстанға кіргізілмейді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
