Израиль Дамаск маңына зымыранмен шабуыл жасап, салдарынан кемінде бір адам ажал құшты. Тағы үш адам жарақат алған. Бұл туралы SANA агенттігі хабарлады.
Ресми дерек бойынша, жарақат алғандардың барлығы да – әскерилер. Әзірге қаза тапқан адам туралы мәлімет жарияланбады. Шабуыл Галилеяның солтүстігіндегі әуе кеңістігінен жасалған. Сирияның әуе соққысына қарсы күштері зымыранның бір бөлігін жерге құлатты. Бұл – соңғы бес күнде осы елге жасалған екінші соққы.
Бұған дейін Сирияның радио және теледидар дирекциясы араб республикасының әуе қорғанысы құралдары Дамаск маңындағы зымыран шабуылына тойтарыс бергенін мәлім еткен еді. Бірақ Израиль әскерінің нақты нысаны туралы айтылмады.
Табиғат Нұрболат
Фото: apnews.com
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
