DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 323,36 Brent 36,55
«Даму» қоры сыйақы субсидиясын қарау мерзімін қысқартпақ

«Даму» қоры сыйақы субсидиясын қарау мерзімін қысқартпақ

56 млрд теңгенің 250 жобасы мақұлданды.

01 Сәуір 2020 17:26 135

«Даму» қоры сыйақы субсидиясын қарау мерзімін қысқартпақ

Фото: lada.kz

Ақпарат және қоғамдық даму министрі Дәурен Абаев «Даму» қоры арқылы қанша жобаға қолдау көрсетілгенін айтты. 

«Қазіргі таңда «Даму» кәсіпкерлікті қолдау қоры жобаларды қараудың оңтайландырылған форматына көшіп жатыр. Шешімдер жеке-жеке емес, бір уақытта қабылданады. Бұл бағыт бойынша 30 сәуірге дейін 3,5 млрд теңгенің 71 жобасы қолдау таппақ. Сондай-ақ, сыйақы мөлшерлемесін субсидиялау мерзімін 5 күннен бір күнге қысқарту шешімі қаралуда. Қазірдің өзінде 56 млрд теңгенің 250 жобасы мақұлданды. Ал кепілдендіру құралын өзгерту мерзімі 6 сағатқа қысқартылды. Бұл бағытта қор 37 жобаны мақұлдады», – деді Дәурен Абаев.

Есжан Ботақара

inbusiness.kz-ті қараңыз, оқыңыз :

Карантинді ұзарту туралы айтуға әлі ерте – Дәурен Абаев

Министр карантиндік шектеудің мерзімін ұзартуға қатысты пікір білдірді.

01 Сәуір 2020 17:13 164

Карантинді ұзарту туралы айтуға әлі ерте – Дәурен Абаев

Фото: Максим Морозов

Ақпарат және қоғамдық даму министрі Дәурен Абаевтың айтуынша, карантиндік шектеулерді тоқтатуға әлі ерте. Бұл туралы ол кезекті онлайн брифингте айтты.

«Қазір карантинді ұзарту туралы айту ерте. Ешкім 2 апта бұрын эпидемиялық жағдайдың қалай болатынын нақты айта алмайды. Бірақ біз барлығына дайын болуымыз керек. Кеше айтылған барлық шаралар – жағдай күрделеніп кетсе де, тыныштық пен тұрақтылықты сақтау кепілі. Ол үшін бізде қажетті шарттардың барлығы жасалған. Мемлекет басшысы тапсырмасының нақты жұмыс жоспары және Ұлттық қордан жиналған қаражат бар», – деді министр.

Есжан Ботақара

3284 дәрігерге айына 850 мың теңге үстемеақы төленеді

Дәурен Абаев дәрігерлерге төленетін үстемеақының көлемін атады.

30 Наурыз 2020 17:23 189

3284 дәрігерге айына 850 мың теңге үстемеақы төленеді

Мемлекет коронавируспен күреске тікелей тартылған медицина қызметкерлерін үш топқа бөліп қаржылай көмек көрсетеді. Бұл туралы Ақпарат және қоғамдықдаму министрі Дәурен Абаев онлайн-брифингте айтты.

«Президент Қасым-Жомарт Тоқаев медицина қызметкерлеріне көмек көрсету туралы тапсырма берген. Осыған орай бүгін Премьер-Министр Асқар Мамин мемлекеттік комиссияның отырысын өткізіп, арнайы шешім қабылдады. Оған сәйкес, медицина қызметкерлері жұмысының қауіптілігіне байланысты үш топқа бөлінген. Бірінші топ, бұл реанимация бөлімдерімен қоса алғанда жұқпалы аурулар стационарларының дәрігерлері, орта және кіші медицина қызметкерлері. Барлығы – 3284 маман. Олардың жалақысына үстемеақы айына 850 теңгені құрайды . Яғни,  орташа айлығына қосқанда олар айына шашамен бір миллион теңгенің үстінде алады. Екінші топ, провизорлық стационарлар мен жедел жәрдемнің қызметкерлері, орта және кіші медицина қызметкерлері. Барлығы – 11951 адам. Олардың үстемеақы айына 425 мың теңгені құрайды. Яғни, орташа айлығын қосқанда олар шамамен 650 мың теңге алады. Үшінші топ, карантиндік стационар дәрігерлері, орта және кіші медицина қызметкерлері, санитарлық дәрігерлер, жедел жәрдем жүргізушілері және тағы басқалар. Барлығы 10 994 қызметкер. Олар айына 212 мың теңге үстеме ақы алады. Яғни орташа айлығын қосқанда шамамен 380 мың теңге алады», – деді Дәурен Абаев.

Есжан Ботақара

Жаңалықтарға жазылу: