2020 жылдың екінші тоқсанында пандемия кесірінен G20 елдерінің ЖІӨ бірінші тоқсанмен салыстырғанда 6,9%-ға азайды. Бұл туралы экономикалық ынтымақтастық және даму ұйымы мәлім етті.
Бірінші тоқсанда дамыған және дамушы елдердің экономикасы 2019 жылдың соңғы үш айындағы көрсеткішке қарағанда 3,5%-ға қысқарған. Ескере кететін жайт, сәуір мен маусым аралығындағы құлдырау 2009 жылғы қаржы дағдарысы кезіндегіден жойқын болып отыр.
G20 ішінде тек Қытайдың ЖІӨ өскен (+11,5%). Індет салдарынан әсіресе Үндістан зардап шегіп отыр. Бұл елдің көрсеткіші 25,2%-ға, Британияныкі 20,4%-ға төмендеді.
Moody’s агенттігінің болжамына сүйенсек, G20 елдерінің экономикасы биыл 4,6%-ға қысқарады. Бірқатар сарапшы Бразилия, Үндістан, ОАР экономикасы қатты күйреп, пандемиядан кейінгі қалпына келу процесі ұзаққа созылады деген пікірде.
Табиғат Нұрболат
