/img/tv1.svg
RU KZ
Hang Seng 27 316,53 DOW J 28 998,32
FTSE 100 7 403,92 РТС 1 524,71
KASE 2 373,34 Алтын 1 645,90
Данат Жумин ҚР премьер-министрі кеңсесі басшысының орынбасары қызметіне тағайындалды

Данат Жумин ҚР премьер-министрі кеңсесі басшысының орынбасары қызметіне тағайындалды

20 Тамыз 2019 13:42 318

Данат Жумин ҚР премьер-министрі кеңсесі басшысының орынбасары қызметіне тағайындалды

Қазақстан Республикасы премьер-министрінің өкімімен Жумин Данат Есболұлы ҚР премьер-министрі кеңсесі басшысының орынбасары болып тағайындалды. Бұл туралы ҚР премьер-министрінің баспасөз қызметі хабарлайды. 

Данат Жумин 1983 жылы Қостанай облысында туған. 

Қостанай бизнес колледжін «Менеджмент және бухгалтерлік есеп» мамандығы бойынша, Л.Н. Гумилев атындағы Еуразия ұлттық университетін «Саясаттану» мамандығы бойынша, «Болашақ»  бағдарламасы бойынша Монтана университетін (Монтана штаты, АҚШ) мемлекеттік басқару магистрі дәрежесімен бітірген, Гарвард бизнес мектебінде жоғарғы басшыларды даярлаудың үшжылдық бағдарламасын тәмамдаған. 

2002-2007 жж. мемлекеттік жастар саясатын жүзеге асыруға белсене қатысқан. Қазақстан студенттер альянсын басқарған, Қазақстан жастар конгресінің атқарушы директоры қызметін атқарған. 

2009-2011 жж. мемлекеттік басқару саласында жұмыс істеді. «Мемлекеттік қызметшілер персоналын басқару бойынша ұлттық орталық» АҚ департамент директоры, ҚР Президенті жанындағы Мемлекеттік басқару академиясы ректорының кеңесшісі, ҚР Президенті жанындағы Мемлекеттік басқару академиясының Дипломатия институтының директорының орынбасары болып тағайындалған. Мемлекеттік басқару реформалары жөніндегі Еуропалық комиссияның ұлттық сарапшысы болды. 

2011-2013 жж. «Apex Consult» ЖШС - 2010 жылы құрған стратегиялық маркетингтік коммуникациялар саласындағы консалтингтік агенттіктің бас директоры қызметін атқарды. 

2013-2014 жж. — Хатшылық басшысы – «Бәйтерек» Ұлттық басқарушы холдингі» АҚ басқарма төрағасының кеңесшісі. 

2014-2016 жж. — «Қазақстан - 2050» Жалпыұлттық қозғалысы кеңесінің төрағасы. 

2016-2017 жж. — «Apex Consult» ЖШС Бақылау кеңесінің төрағасы. 

2017 ж. қараша айынан «Нұр Отан» партиясының саяси жұмыстар департаменті директорының орынбасары, 2018 ж. - департамент директоры болып тағайындалды. 

2018 жылғы шілде айынан 2019 жылғы тамыз айы аралығында Шымкент қаласының әкімінің орынбасары лауазымын атқарды, кәсіпкерлік, өнеркәсіп және инвестициялар, ауыл шаруашылығы, туризм, цифрландыру мәселелеріне жетекшілік етті. 

inbusiness.kz-ті қараңыз, оқыңыз :

Сапарбек Тұяқбаев Алматы қаласы әкімінің орынбасары болды

Марат Сембеков басқа жұмысқа ауысуына байланысты қызметінен босатылды.

11 Шілде 2019 12:43 297

Сапарбек Тұяқбаев Алматы қаласы әкімінің орынбасары болды

ҚР Президенті Әкімшілігінің келісімі бойынша Алматы қаласы әкімінің өкімімен Сапарбек Тұяқбаев Алматы қаласы әкімінің орынбасары болып тағайындалды, деп хабарлады әкімдіктің баспасөз қызметі.

Сапарбек Тұяқбаев 1979 жылы туған. 2001 жылы Таяушығыс техникалық университетін (Түркия), 2004 жылы Торонто университетін (Канада) бітірген.

Еңбек жолын 2005 жылы бастаған. 2005-2009 жылдар аралығында мемлекеттік қызмет істері Агенттігінде, Ресейдегі ҚР елшілігінде, индустрия және сауда министрлігінде, Президент әкімшілігінде түрлі қызметтерді атқарған.

2012-2017 жылдар аралығында Оңтүстік Қазақстан облысы әкімінің орынбасары болды, инвестиция, өнеркәсіп және кәсіпкерлік мәселелеріне басшылық жасады.

2016 жылдың қазанынан Қазақстан Республикасы инвестициялар және даму министрілігінің инвестиция комитетінің төрағасы, 2017 жылдың қарашасынан «НК «Kazakh Invest» АҚ басқармасының төрағасы қызметін атқарды.

Бұрындары қала әкімінің орынбасары болған Марат Сембеков басқа жұмысқа ауысуына байланысты қызметінен босатылды.

Асқар Мамин ҚР премьер-министрі кеңсесінің жаңа басшысын таныстырды

Бұған дейін бұл қызметті атқарған Дархан Кәлетаев ҚР президентінің әкімшілігі басшысының бірінші орынбасары болып тағайындалды.

26 Наурыз 2019 10:11 0

Асқар Мамин ҚР премьер-министрі кеңсесінің жаңа басшысын таныстырды

Бүгін үкімет отырысында ҚР премьер-министрі Асқар Мамин ҚР премьер-министрі кеңсесінің жаңа басшысы Ғалымжан Қойшыбаевты таныстырды, деп хабарлайды primeminister.kz.

«Үкімет қаулысымен Ғалымжан Телманұлы Қойшыбаев премьер-министр кеңсесінің басшы болып тағайындалды», – деп хабарлады премьер-министр.

Асқар Мамин Ғалымжан Қойшыбаевтың президент әкімшілігінде және сыртқы істер министрлігі жүйесінде елші, министрдің орынбасары болып көп жылдар бойы еңбек атқарғанын атап өтіп, жаңа қызметте сәттілік тіледі.

Еске сала кетейік, бұған дейін ҚР премьер-министрі кеңсесінің басшысы лауазымын атқарған Дархан Кәлетаев президенттің Жарлығымен ҚР президентінің әкімшілігі басшысының бірінші орынбасары болып тағайындалды.

Ғалымжан Қойшыбаев 1968 жылы Қызылорда қаласында дүниеге келген. М.В. Ломоносов атындағы Мәскеу мемлекеттік университететін тәмамдаған. 1995–2004 жылдары Қазақстан Республикасының Ресей Федерациясындағы елшілігінің атташесі, үшінші хатшысы, бірінші хатшысы, кеңесшісі, Кеңесші-уәкілі болып қызмет еткен. 2004 жылы – Қазақстан Республикасының Ұжымдық қауіпсіздік туралы шарты ұйымының жанындағы Өкілетті өкілі болған. 2004–2006 жылдары– ҚР президенті әкімшілігінің бас инспекторы. 2006–2008 жылдары – ҚР сыртқы істер министрлігінің ерекше тапсырмалар жөніндегі елшісі. 2008–2012 жылдары – ҚР Литва Республикасындағы төтенше және өкілетті елшісі, ҚР Латвия Республикасындағы, Эстония Республикасындағы және Финляндия Республикасындағы төтенше және өкілетті елшісі (қоса атқарушы). 2012–2016 жылдары — ҚР Финляндия Республикасы мен Эстония Республикасындағы төтенше және өкілетті елшісі (қоса атқарушы). 2016 жылдан бастап – ҚР сыртқы істер министрінің орынбасары қызметін атқарған.

Жаңалықтарға жазылу: