Биылғы қаңтар-шілде айларында ауыл, орман және балық шаруашылығы саласындағы негізгі капиталға 491,1 млрд теңгеге инвестиция салынды. Бұл былтырғыға қарағанда нақты мәнде 21,3%-ға артық, деп жазады inbusiness.kz energyprom.kz порталына сілтеме жасап.
Өсімдік шаруашылығына б 5,3 млрд теңге, егінді өңдеу саласына 649,7 млн теңге, өсімдіктерді молықтыруға 371,8 млн теңге инвестицияланды.
Ұлттық статистика бюросының мәліметінше, 2022 жыл бойынша көкөніс, тамыр дақылдарының және түйнектердің өнімділігі гектарына 241,2-ден 242,9 центнерге дейін өсті.
Өңірлік бөліністе былтыр көкөністердің, тамыр дақылдарының және түйнек дақылдарының ең жақсы өнімділігі Павлодар облысында байқалды: гектарына 285,2 центнер. Үздік үштікке Жетісу (гектарына 285,1 центнер) және Жамбыл (гектарына 282,9 центнер) облыстары да кірді. Өнімділіктің төмендеуі бес өңірде байқалды: Павлодар, Атырау, Алматы және Солтүстік Қазақстан облыстары, Шымкент қаласы.
Дәнді-бұршақты дақылдардың ең жоғары өнімділігі Қызылорда облысында тіркелді: гектарына 45,3 центнер. Одан кейінгі орындарда Алматы (гектарына 33,6 центнер) және Жетісу (гектарына 26,2 центнер) облыстары орналасты. Өнімділіктің төмендеуі Қызылорда, Павлодар және Қарағанды облыстарында да тіркелді.
