Британдық Matchroom Boxing промоутерлік компаниясы спорттық мансабында жеңіліп көрмеген қазақстандық боксшы Данияр Елеусінов туралы бейнесюжет жариялады, деп хабарлады Sports.kz.
Фильм спортшының кәсіби мансабына аяқ басқан кезеңінен басталады. Сонымен қатар жекпе-жек сыртындағы сәттер мен оған дайындықтары көрсетілген.
Танымал спортшы келесі жекпе-жегін бұрынғы әлем чемпионы, намибиялық боксшы Джулиус Индонгоға қарсы өткізуі керек.
Қазіргі кезде жерлесіміз коронавирус пандемиясына байланысты АҚШ-та карантин жарияланғандықтан, Бойнтон-Бичте (Флорида штаты) қалып қойды. Соңғы мәлімет бойынша, АҚШ-та COVID-19 жұқтырған 960 896 адам тіркелген (қайтыс болғандар - 54 265, жазылып шыққандар – 118 162).
Ал Matchroom Boxing компаниясы Данияр Елеусіновтен бөлек тағы бір қазақстандық боксшы Геннадий Головкинмен жұмыс істейді. Бұл компанияны Эдди Хирн басқарады.
