Даңқты балуан Ақжүрек Таңатаров Қазақстан күрес федерациясының вице-президенті қызметіне тағайындалды, деп хабарлайды inbusiness.kz сайты.
Танымал спортшы қызметке грек-рим, еркін және әйелдер күресі федерациясының жалпы жиналысынан соң кірісті.
– Спорттағы мол тәжірибесі, жоғары жетістіктері мен кәсібилігі отандық күрестің дамуына зор үлес қосады деп сенеміз. Ақжүрек Таңатарұлына жауапты қызметінде табыс тілейміз! – делінген ресми хабарламада.
Еске салайық, Ақжүрек Таңатаров – еркін күрестен 2012 жылғы Лондон Олимпиадасының қола жүлдегері. Сондай-ақ, 2017 жылы Әлем чемпионатына қатысып, қола жүлдені қанағат тұтты. Сол жылы Азия чемпион да атанды.
Спортшы 2018 жылы кәсіби мансабын аяқтады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
