2021 жылғы бірінші жартыжылдықта елімізде 18,3 мың тонна дәретхана қағазы өндірілді, бұл өткен жылмен салыстырғанда 4,7% аз, деп хабарлайды inbusiness.kz порталы energyprom.kz-ке сілтеме жасап.
Дәретхана қағазының негізгі көлемі Алматыда өндірілген: Қазақстандағы барлық шығарылымның 84,7% немесе 15,5 мың тонна, бір жылда минус 11,2%.
Шығарылымның айтарлықтай көлемі Ақтөбе облысы (1,2 мың тонна, жылдық өсім – 4,5 есе) және Шымкентке (642,9 тонна, плюс 48,1%) де тиесілі.
2020 жылы жергілікті компаниялар 36,9 мың тонна дәретхана қағазын шығарған, бұл 2019 жылғы дағдарысқа дейінгі кезеңмен салыстырғанда 2% көп.
2019 жылы өндірістің жылдық өсімі 27,7%, 36,1 мың тонна дәретхана қағазы шығарылған.
Еліміздегі шаруашылық-тұрмыстық және санитарлық-гигиеналық мақсаттағы қағаз бұйымдарын "Карина Trading" ЖШС, "Парус" өндірістік-полиграфиялық комбинаты" ЖШС, "Маолин компаниясы" шетел кәсіпорны" ЖШС сынды ірі өндірушілер және тағы басқа компаниялар өндіреді.
2021 жылғы 5 айдың қорытындысы бойынша отандық компаниялар дәретхана қағазына сұранысты (ішкі нарықта өткізу плюс экспорт) өткен жылмен салыстырғанда 69,3% қамтамасыз еткен (2020 жылғы көрсеткіш 71,2%)
Импорт үлесі – 30,7%. Импорттаушылар Қазақстанға 6,5 мың тонна дәретхана қағазын әкелген, бұл өткен жылмен салыстырғанда 0,5% көп.
5 айда ішкі нарықта барлығы 21,1 мың тонна дәретхана қағазы сатылған, минус 6,1%. Дәретхана қағазының стандартты орамының орташа салмағы – 227 грамм.
Жыл басынан бері елімізде шамамен 92,8 млн дәретхана қағазы немесе бір айда 18,6 млн орам сатылған.
2021 жылғы шілде айының қорытындысы бойынша дәретхана қағазы жылдық динамикада 3,7% қымбаттаған. Баға Шығыс Қазақстан облысында айтарлықтай көтерілген: бір жылда 8,1%. Сонымен қатар Ақтөбе (7,6%) және Атырау (7,3%) облыстарында да дәретхана қағазы қымбаттаған, ал Шымкентте дәретхана қағазының бағасы өткен жылғы деңгейде сақталған.
Дәурен Ерболат
