Алматылық дәрігерлер Alma City тұрғын үй кешенінің ауласында Daewoo Nexia жүргізушісі қағып кеткен қыздың жағдайын бағалады, деп хабарлайды inbusiness.kz.
Ол №2 қалалық балалар клиникалық ауруханасының қабылдау бөліміне бас, иық және аяқ жарақаттарымен жеткізілді.
"Қабылдау бөлімінде кішкентай қызды нейрохирург, травматолог және хирург қарады. Жағдайы тұрақты, есін біледі. Бас терісінде гематома болды. Рентгенография – екі проекцияда жасалды. Тексеруден және медициналық көмектен кейін ол амбулаторлық емдеуге жіберілді", - деп хабарлады Қоғамдық денсаулық сақтау басқармасының баспасөз қызметі.
Бұған дейін Алматыда үйдің ауласында 7 жасар баланы көлік қағып кеткенін жазған болатынбыз.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
