Павлодарлық дәрігерлер "Кастинг" ЖШС металлургиялық кәсіпорнында зардап шеккен 41 жастағы ер адамның қолын сақтап қалуға тырысуда, деп хабарлайды pavlodarnews.kz.
Облыстық еңбек басқармасының агенттікке хабарлауынша, болат қорытушысы 8-наурыз күні ауысымға шыққан. Көпірлік кранның ауыр металл бөлшегі жұмыскердің білегін жаншып кеткен. Ер адам облыстық ауруханаға жеткізіліп, оған ота жасалған. Зардап шегушінің сол қол білегінің ашық сынуы анықталған.
"Ең керекті болат қорытушыны траверстегі грейфер алмастырған. Сол сәтте серпіліс болып, конструкция жылдамдықпен төмендеп, жұмыскердің қолын басып қалған, - деді еңбек инспекторы Абылай Сабыров. - Оқиғаның мән-жайы тергеу барысында анықталуда. Сонымен қатар, арнайы комиссия ресми түрде шынымен де оқыс оқиғаның өндіріспен байланысын анықтау керек. Қазір зардап шегушінің қолын сақтап қалуға барлық мүмкіншілік бар".
Абылай Сабыровтың айтуынша, тергеу жұмыстары дәрігерлердің қорытындысы жасалғаннан кейін басталады. Егер ауыр жарақат деңгейі белгіленсе, еңбек инспекциясы комиссия құрады. Ал орташа немесе жеңіл деңгей болса, жұмыс беруші өзі құрады. Егер комиссия жарақат өндіріспен байланысты деген шешім шығарса, жұмыс беруші еңбекке жарамсыздық парағынан басқа, керекті емделу және дәрі-дәрмектің шығынын өтейді. Оған қоса, еңбекке жарамдылықты жоғалту немесе мүгедек болу жағдайында тиісті өтемақы төлейді.
Денсаулық сақтау басқармасының баспасөз хатшысы Эльмира Темірғалиеваның айтуынша, қазіргі кезде ер адамның жағдайы тұрақты. Керекті емдік шараның бәрін қабылдауда.
