Шымкент қалалық салауатты өмір салтын қалыптастыру орталығының ұйымдастыруымен емхана дәрігерлері сауда орталығында қабылдау жүргізді. Бұл жолы ақ халаттылар "Мега Планет" ойын-сауық орталығына келушілерді ВИЧ инфекциясына тексерді, деп хабарлайды otyrar.kz.
Айта кетейік, бұл іс шара "Өз статусыңды біл" атты акция аясында өтуде. Шара барысында терапевт, дерматовенеролог, уролог, гинеколог, ЖИТС-тің алдын алу және оған карсы күрес орталығының мамандары тегiн кеңес беруде.
Дәрігерлер экспресс-тест арқылы орталыққа келген тұрғындарды ВИЧ инфекциясына тексерді. Бұл әдіс арқылы дәрігерлер он бес минуттың ішінде статусын анықтап берді.
Сауда орталығында жүргізілген медициналық тексеру жұмыстары кезінде 100-ден аса тұрғын дәрігердің қабылдауында болған. Ал 50-ге жуық азамат экспресс-тест арқылы ВИЧ статусын анықтады. Жалпы мұндай инфекцияны анықтайтын тексеру жұмыстары 15 — желтоқсанға дейін өзге де қоғамдық орындарда өткізіледі.
