/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 440,47 Brent 36,55
Дәріні жиырма есе қымбатқа сатқан

Дәріні жиырма есе қымбатқа сатқан

Дәрі-дәрмек тапшылығын қолдан ұйымдастырғандар ұсталды. ІІМ барлық өңірде рейд жүргізуде. 

06 Шілде 2020 16:15 434

Дәріні жиырма есе қымбатқа сатқан

5 шілдеде Президенті Қасым-Жомарт Тоқаевтың тапсырмасы бойынша Ішкі істер министрлігі жергілікті рейдтік іс-шараларды өткізді, деп хабарлайды Polisia.kz.

Тексерулердің мақсаты – карантин уақытында қажетті дәрі-дәрмектердің жетіспеушілігін пайдаланып, жоғары сұранысқа ие болған респираторлық вирустық аурулардан емдеуге арналған дәрі-дәрмектерді жоғары бағамен сатқан дәріхана қызметкерлері мен азаматтарды анықтау.

Рейд барысында дәрі-дәрмектерді жаппай сатып алуды ұйымдастырған адамдар анықталды. Олар дәрі-дәрмектің жасанды тапшылығын тудырып, кейін дәрілерді нақты құнынан бірнеше есе артық бағамен қайта сатқан. Дәрі-дәрмектерді қайта сатудың көптеген фактілері еліміздің барлық өңірінде анықталды.

Кәсіпкерлер дәрі-дәрмектерді «сөреден» сатып алып, фискалдық чектерді шығармай сатқан. Салдарынан адамдар дәрілерді қымбат бағаға алуға мәжбүр болған.

Мәселен, Нұр-Сұлтан қаласында полицейлер қорғаныс құралдарын заңсыз сатудың жолын кесті. Жергілікті тұрғыннан медициналық маскалар, комбинезондар, термометрлер, медициналық көзілдіріктер мен антисептикалық құралдар тәркіленді.

Сонымен қатар, әйел адам интернет-ресурстардағы хабарландыру арқылы «Парацетамол», «Ингавирин», «Цефтриаксон», «Азитромицин» сияқты аса қажетті дәрі-дәрмектерді заңсыз сатқан.

«Нұр-Сұлтан» қаласындағы ОСО-ның бірінің тұрағында ер адам ұсталды, оның автокөлігінен аталған дәрілік препараттары бар екі қорап табылды.

Шымкент қаласында «Левомак» медициналық препаратын 12 000 теңгеге сатқан жергілікті тұрғын полицияға жеткізілді. Ол дәрі бағасын өз бағасынан алты есе қымбатқа сатқан.

Дәріханада провизор болып жұмыс істейтін Шымкент қаласының тағы бір тұрғыны «Дексаметазон-Аджио» препаратының ампулаларын 5 000 теңгеден сатқан, ал оның негізгі бағасы – 600 теңге.

Түркістан облысында ер адам «Аскорбин қышқылын» 5 000 теңгеден сатқан, оның негізгі бағасы – 250 теңге.

Осыған ұқсас фактілер Алматы қаласында, Ақмола, Ақтөбе, Атырау, Шығыс Қазақстан, Жамбыл, Батыс Қазақстан облыстарында анықталды.

Рейдтің бірінші күні полицияға барлығы 21 адам жеткізілді, олардан 3500-ден астам дәрілік заттар тәркіленді, оның ішінде «Ацетилсалицил қышқылы» – 2100 орам, «Парацетамол» – 589 орам, «Цефтриаксон» – 230 ампула, сондай-ақ 17 800 медициналық маска, бір рет қолданылатын 60 қолғап, 105 қорғаныс халаты (комбинезондар), 80 қорғаныс көзілдірігі, 79 термометр және 100-ден астам антисептикалық құралдар (300 литр).

Барлық анықталған фактілер бойынша қолданыстағы заңнамаға сәйкес құқықтық баға берілетін болады.

Ішкі істер министрлігі дәрі-дәрмектерді заңсыз сатуға тап болған тұрғындарды, сондай-ақ мұндай фактілер анықталған жағдайда жақын жердегі аумақтық полиция бөлімшелеріне немесе «102» және «112» телефоны арқылы хабарлауға шақырады. Рейд жалғасып жатыр.

 

Алматы облысында дәрі сатқан жансақтау бөлімінің меңгерушісі ұсталды

Дәрігер дәрі сатып, 1 млн 370 мың теңге тапқан. 

11 Шілде 2020 01:18 549

Алматы облысында дәрі сатқан жансақтау бөлімінің меңгерушісі ұсталды

Алматы облысы аудандарының біріндегі ауруханада жансақтау бөлімінің меңгерушісі тапшы дәрілерді сатқаны анықталды, деп хабарлайды Polisia.kz.

«Алматы қаласының криминалдық полициясына жедел ақпарат келіп түсті. Осыдан кейін дәрігер Райымбек пен Сейфуллин даңғылдарының қиылысындағы арнайы іс-шара кезінде ұсталды»,– деп жазылған хабарламада.

Жеке тексеру барысында «Севофлуран», «Цефтриаксон», «Меобактрин», «Альбунорм», «Неоцитотект», «Октагам», «Архимакс», «Меропенем», «Годовист» және «Пропофол» секілді 90 дәрі тәркіленген.

Дәрігер осынай заңсыз әрекеті арқылы 1 млн 370 мың теңге тапқан. Аталған факті бойынша сотқа дейінгі тергеу амалдары жүргізіліп жатыр.
 

Мәскеуден 55 тонна медициналық дәрі-дәрмек жеткізілді

Келесі аптада Үндістаннан тасымалданады.

10 Шілде 2020 16:51 300

Мәскеуден 55 тонна медициналық дәрі-дәрмек жеткізілді

Алматы әуежайына тоқтаған Азаматтық авиацияның екі борты Мәскеуден 55 тонна медициналық дәрі-дәрмек жеткізді, онда коронавирус инфекциясы мен пневмонияны емдеуге арналған, вирусқа қарсы және дене қызуын түсіретін препараттар, антикоагулянттар мен антибиотик бар, деп хабарлады ДСМ баспасөз қызметі.

«Жуырда Қазақстан дәріханаларына 150 мыңға жуық азитромицин таблеткасы, миллионға жуық цефтриаксон, тамифлю препаратының 150 мың пакеті, арбидолдың 50 мың орамасы және арнайы рейстермен келген басқа да қажетті медициналық препарат түседі»,– деп жазылған хабарламада.

Министрліктің есебінше, бұл дәрі-дәрмек бір айға жеткілікті.

«Келген дәрі-дәрмектер біркелкі үлестіріліп, жақын күндері өңірлерге жедел жеткізіледі»,– дейді ведомстводан.

Айта кетсек, осы борт келесі аптада Үндістаннан да дәрі-дәрмек тасымалдайды. Дәрі-дәрмекпен қамтамасыз етудің қолжетімділігін арттыру және дәрі-дәрмектерге барлық қажеттілікті жабу мақсатында мұндай іс-шаралар ай сайын ұйымдастырылмақ.