Бейресми кездесуде оқушылар министрге жеңіске жету жолындағы қызықты оқиғаларын әңгімелеп, ұсыныстарын жеткізді.
Айта кетейік, биыл ірі халықаралық жарыста оқушылар 26 медаль жеңіп алды. Оның 2-і – алтын, 13-і – күміс, 11-і – қола медаль болды. Бұл туралы министр: "Медаль көрсеткіші бойынша соңғы жылдардағы рекорд жаңартылды", – деді.
Асхат Аймағамбетовтің айтуынша, биыл олимпиаданың республикалық кезеңі электронды форматта өтті. Бұған қоса академиялық адалдықты қамтамасыз ету мақсатында тиісті шаралар қабылданды.
"Дарынды балаларды қолдау мәселесіне келетін болсақ, ел Президенті Қасым-Жомарт Тоқаевтың тапсырмасы бойынша министрлік кешенді шешім әзірлеп жатыр. Мен Олимпиада қатысушыларының мұғалімдеріне, ата-аналары мен жаттықтырушыларына алғыс айтқым келеді. Білім және ғылым министрлігі оқушыларымыздың биік белестерді одан әрі бағындырып, Қазақстанды әлемдік аренада лайықты деңгейде танытуына жағдай жасауды жалғастыра береді", – деді білім және ғылым министрі
Қанат Махамбет
