"Сыбайлас жемқорлық тәуекелдерін төмендету шеңберінде Қаржы министрлігі деңгейінде бірыңғай апелляциялық орган құрылды. Бұл проблемалық мәселелерді жоғары деңгейде жедел және жүйелі шешуді қамтамасыз етеді, сондай-ақ мемлекеттік сатып алу саласында тұтастай бірыңғай тәжірибе құруға мүмкіндік береді", – деді спикер.
Қаржы вице-министрінің айтуынша, бұдан басқа, шешімдер қабылдаудың айқындығы, тәуелсіздігі және бейтараптығы қамтамасыз етіледі. Өтінім берушінің қаржылық орнықтылығы бойынша біліктілік талабы енгізілді, ол мемлекеттік кірістер органдарының мәліметтері негізінде 4 талап - кірістер, салықтар, негізгі құралдар, еңбекке ақы төлеу қоры бойынша автоматты түрде айқындалады.
"Қаржылық тұрақтылық" ұғымын енгізу тиісті салық жүктемесі, сондай-ақ жеткілікті материалдық және еңбек ресурстары бар, беделі жақсы компаниялардың сатып алуға қатысуын қамтамасыз етті. Осылайша, даулы компаниялар мен бір күндік фирмалар енді сатып алуларға қатыспайды", - деп түйіндеді спикер.
Құралай Құдайберген
