/img/tv1.svg
RU KZ
Дәурен Абаев тегін азық-түлік кімдерге берілетінін айтты

Дәурен Абаев тегін азық-түлік кімдерге берілетінін айтты

ҚР Ақпарат және қоғамдық даму министрінің айтуынша, көмек алатындар 4 санатқа бөлінеді.

25 Наурыз 2020 17:37 999

Дәурен Абаев тегін азық-түлік кімдерге берілетінін айтты

«Бірінші санаттағылар – АӘК алатын жағдайы төмен отбасындағы жасы 6 мен 12 аралығындағы балалар. 2,3,4 санаттағылар – бұл карантиндік аймақта тұрып жатқан АӘК алатын кәмелеттік жасқа толған отбасы мүшелері, олардың қатарында көпбалалылар бар, сонымен қатар бірінші және екінші топтардағы барлық жастағы мүгедектер, мүгедек балалар мен оларды бағатын ата-аналары», – деді Абаев. 

«Қазір әр түрлі месенджерлерде 109 нөміріне хабарласып, азық-түлікке тапсырыс беруге болады деген хабар тарап жатыр. Бұл жалған ақпарат. Оны жасаған адамдар заңға сәйкес жазаланады», – деп айтты Абаев. 

Табиғат Нұрболат

Коронавирус: G20 саммитінің қорытындысы

26 наурызда G20 елдері басшыларының саммиті алғаш рет видео конференция форматында өтті.

27 Наурыз 2020 10:20 346

Коронавирус: G20 саммитінің қорытындысы

Тараптар коронавируспен күрестегі бірлескен әрекеттер мен пандемияның экономикалық салдарын талқылады. 

Олар мынадай келісімге келді:
- Коронавирус пандемиясымен бірлесе күрес жүргізу;
- Індет салдарымен күреске 5 трлн доллар бөлу;
- Халықаралық сауданың тұрақты және еркін жүргізілуін қамтамасыз ету үшін бірлесе жұмыс атқару;
- Дүниежүзілік денсаулық сақтау ұйымы, БҰҰ және Халықаралық валюта қорымен бірлесе індетке қарсы күрес жүргізу;
- ДДҰ-на қаржылай көмек көрсету;
- Коронавирус пандемиясы кезінде ДДҰ-ның өкілеттігін кеңейту;

Сонымен қатар G20 елдері Халықаралық валюта қоры мен Дүниежүзілік банкті пандемия салдарына қатысты мәліметтермен бөлісуін сұрап, Халықаралық еңбекті ұйымдастыру және экономикалық ынтымақтастық пен даму Ұйымына пандемияның жұмыс орындарына қалай әсер етіп жатқанын қадағалауды тапсырды.

Табиғат Нұрболат

Үндістан экономикасын ынталандыру үшін 22,6 млрд доллар бөледі

Биліктің мұндай шешімді қабылдауына пандемия түрткі болып отыр.

26 Наурыз 2020 17:38 338

Үндістан экономикасын ынталандыру үшін 22,6 млрд доллар бөледі

Үндістан үкіметі коронавирус пандемиясынан зардап шеккендерге 22,6 млрд доллар шығындамақ. Елдің қаржы министрінің айтуынша, одан бөлек азық-түлік мәселесі де қарастырылатын болды. 

Алдағы үш айда билік жағдайы төмен тұрғындарды тегін газбен қамтамасыз етіп, медициналық қызметкерлерге 5 миллион рупий көлемінде сақтандыру төлемін үлестірмек.

Айта кететін жайт, Үндістанда 25 наурыздан бастап қатаң оқшаулану режимі енгізілген. 21 күн бойы барлық өңірлер арасындағы шекаралар жабық болады. Барлық тұрғындар үйлерінен шықпауы тиіс, яғни коменданттық сағат жарияланды. 

Соңғы ресми мәліметке сүйенсек, елдегі науқастардың саны 649-ға жеткен, 13 адам індеттен қайтыс болған.

Табиғат Нұрболат