/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 376,04 Brent 36,55
ДCҰ: 2020 жылы сауда көлемі қысқарады

ДCҰ: 2020 жылы сауда көлемі қысқарады

Ал келесі жылы көрсеткіштер қалпына келе бастайды.

09 Сәуір 2020 11:05 142

ДCҰ: 2020 жылы сауда көлемі қысқарады

Дүниежүзілік сауда ұйымы 2020 жылы Covid-19 пандемиясының кесірінен әлемдік сауда көлемі күрт қысқарып, 2021 жылы қалыпқа келеді деген болжам жасады. Бұл туралы Reuters агенттігі хабарлады. 

Ұйымның есебі бойынша, осы жылы бұл көрсеткіш 13-32 пайызға құлдырауы мүмкін. Ал 2021 жылы сауда көрсеткіштерінің 21-24 пайызға өсуі ықтимал. Пандемияның ұзақтығы мен оған қарсы қабылданған шаралар көрсеткішке тікелей әсер етеді деген пікірде ұйым сарапшылары. 

Ал ДДҰ басшысы Тедрос Адханом Гебрейесус АҚШ пен Қытайды вирусқа қатысты жағдайды саяси мақсатта пайдаланбауға, керісінше, бірлесе күрес жүргізуге шақырды. Әйтпесе пандемияны ауыздықтау қиынға соғып, қайтыс болғандар санының күрт көбейетінін алға тартты. 

Джонс Хопкинс Университетінің соңғы мәліметі бойынша, әлемде вирус жұқтырғандардың саны 1,5 миллионнан асып, оның 88 мыңы қаза тапқан. Аурудан ажал құшу фактілері ең көп тіркелген елдер қатарында Италия, АҚШ, Испания бар.

Табиғат Нұрболат

Әлемдік экономикаға банкроттық толқыны төніп тұр

Экономикалық дағдарыстың бірінші кезеңі аяқталып келеді, бірақ қазірдің өзінде екіншісі басталады-ау деген белгілер байқалады. 

25 Мамыр 2020 17:07 164

Әлемдік экономикаға банкроттық толқыны төніп тұр

Бөлініп жатқан қаражат банкроттық толқынын еш тоқтата алмайды. Бірқатар сарапшы осылай дейді.

Әсіресе АҚШ экономикасы қазір іркіліске тап болып отыр. Өйткені бұл елде қаржы секторы шешуші рөл атқарады, кәсіпорындардың басым бөлігі қарыз капиталын пайдаланады. Қазіргі таңда ақша ағыны азайып, қаржыландыруға деген қажеттілік, керісінше, артуда.

Fitch агенттігінің соңғы мәліметіне сүйенсек,несие нарығында дефолттың айлық өсімі соңғы алты жылдағы ең жоғары көрсеткішке жетті. Себебі, кәсіпорындар төлем мерзімін өткізіп алған немесе банкроттық туралы құжат толтыруда.

Fitch Leveraged Loan Default Index дерегі бойынша, мамыр айында дефолттың жалпы сомасы 12,6 млрд долларға жеткен. Бұл 2014 жылдан бергі ең нашар көрсеткіш. Осылайша жыл басынан бері көрсеткіш 33,3 млрд долларға дейін өскен. Агенттік осы сегменттегі дефолт көлемі 2020жылы 80 млрд долларға дейін жетіп, 2009 жылғы ең жоғары көрсеткішке ие болады деп топшылап отыр.

Бірқатар сарапшы дефолт бойынша тақтатасты секторы көш бастайды деп болжаған еді.Бірақ соңғы екі айда көбіне америкалық ритейлерлердің қарызды өтей алмағаны тіркелген. Өйткені барлығы бірдей пандемия кезінде жұмысын жалғастыра алмады, дені онлайн сауда-саттық жасауға дайын болмай шықты.Ритейлерден кейінгі орында телекоммуникация, қызмет көрсету және өндірістік сектор. Энергетика саласы бұл тізімде бесінші орында.

Әлемдегі ең ірі қаржы компаниясы саналатын Blackrock басшысы Ларри Финк қазір банкирлер банкроттық толқынына дайындалып жатқанын мәлімдеді. Одан бөлек Федералды қор жүйесі, Халықаралық валюта қоры да экономика құлдырайды деген мәнердегі болжамдарымен осы күнге дейін бөлісіп келеді.

Кей сарапшылар дағдарысты қарыздан тәуелсіз, яғни көп қарызы жоқ кәсіпорындар оңай еңсереді деген пікірде. Lazard компаниясының басшысы Питер Орсзагтың ойынша, бір компанияның банкроттыққа ұшырауы басқаларына да теріс әсер етеді. Осындай факторлардың салдарынан экономика тоқырап, компаниялардың жұмысы айтарлықтай іркіледі.

Табиғат Нұрболат

Google коронавирус кесірінен жұмысқа алуды тоқтатады

Сондай-ақ маркетингтік бюджет көлемі де қысқармақ.

24 Сәуір 2020 12:46 290

Google коронавирус кесірінен жұмысқа алуды тоқтатады

АҚШ-тың Google компаниясы қызметкерлерді жұмысқа алуды уақытша тоқтатады және маркетингтік шараларға арналған бюджетін екі есе қысқартады.

Корпорацияның мұндай қадамға баруына әлемді жайлаған жаңа коронавирус пандемиясы түрткі болып отыр. Бұл туралы CNBC басылымы хабарлады.Осыдан бір апта бұрын Google жыл соңына дейін инвестиция көлемін қысқартатын мәлімдеген еді. 

Қазір індет алпауыт компанияларды тығырыққа тіретіп отырғаны мәлім. Оның қатарында әйгілі Walt Disney де бар. Бұл корпорация осы аптадан бастап 100 мыңнан астам қызметкеріне жалақы төлеуін уақытша тоқтататуға шешім қабылдады. Өйткені пандемия кесірінен оның түрлі нысандары жабылып қалған.  АҚШ, Еуропа және Азияда сан түрлі ойын-сауық парктері мен қонақүйлері бар компанияның жұмысшыларының тең жартысы осылайша еңбекақы төленбейтін демалысқа жіберілді.  Financial Times басылымының есептеуінше, мұндай қадамға бара отырып, Disney 500 млн долларға жуық қаражатты үнемдеп қалуды көздеп отыр.

Табиғат Нұрболат