Індетті жұқтыру жағдайлары алдыңғы аптамен салыстырғанда 10%-ға, ал өлім-жітім 1%-ға төмендеді, деп хабарлады Дүниежүзілік денсаулық сақтау ұйымы.
Африкада (41%-ға), Оңтүстік-Шығыс Азияда (минус 25%-ға) және Батыс Тынық мұхитында (21%-ға) ауруды жұқтыру санының айтарлықтай төмендеуі байқалды. Еуропада індеттің таралуы 3%-ға, Америкада 10%-ға төмендеген. Өлім-жітім көрсеткіші Африкада (53%-ға), Оңтүстік-Шығыс Азияда (23%-ға) және Еуропада (12%-ға) азайып отыр. Бірақ бұл көрсеткіш Америкада (11%-ға) және Батыс Тынық мұхиты аймағында (1%-ға) өсті.
Індетті жұқтыру көрсеткіші бойынша осы аптада Германия көш бастады – 508 749 жағдай. Одан кейін Қытай (333 830), Франция (323 787), АҚШ (283 220) пен Италия (280 947). Ал инфекциядан қайтқандар саны бойынша АҚШ бірінші орында – 2 817 жағдай. Келесі кезекте Бразилия (767), Ресей (731), Жапония (567) және Қытай (412).
