Дүниежүзілік денсаулық сақтау ұйымының басшысы Тедрос Гебрейесус Астанада өтіп жатқан алғашқы медициналық-санитарлық көмек жөніндегі халықаралық конференцияда сөз сөйледі, деп жазады inbusiness.kz.
"Құрметті құда, құрметті Қасым-Жомарт Тоқаев мырза! Қазақстанға оралу мен үшін үлкен мәртебе. Мен Қазақстанды өз елім деп санаймын", - деді Тедрос Гебрейесус.
ДДСҰ басшысы "өзін Қазақстанның бір бөлігі" деп есептейтінін де жеткізді.
"Келінім – қазақ. Екі немерем де белгілі бір деңгейде қазақтар. Қазақстанды өзімнің бір бөлігі деп есептеймін, ал мен Қазақстанның бір бөлігімін", - деді ол.
Бұдан бөлек ол еліміздің медицина саласындағы жетістіктерін де атап өтті.
Айта кету керек осыған дейін Президент Қасым-Жомарт Тоқаев алғашқы медициналық көмек қызметін үйлестіретін жаһандық коалиция құруды ұсынғанын жазған болатынбыз.
