Алматыда "дельта" штамына байланысты науқастар саны күрт өсті. Бұл туралы қала әкімінің орынбасары Ержан Бабақұмаров айтты, деп хабарлайды inbusiness.kz тілшісі.
"Соңғы 10-14 күнде қалада инфекция жұқтырғандардың күрт өсуі байқалды. Бастапқыда "дельта" штамы індет жұқтырғандардың жалпы санының 23%-ын құраса, бүгінде бұл 78%-ға жетті. Тәулігіне 144 жұқтырған адам тіркелді, бүгінде 305 науқас анықталды. Бүгінгі күні жұқтырғандардың басым көпшілігі симптомсыз, тек 23 адамда індет белгілері бар", – деді Ержан Бабақұмаров.
Ол сонымен қатар қала тұрғындарын белсенді вакцинациялауға шақырды.
"Олай болмағанда Алматыдағы инфекция жұқтыру деңгейі ауқымды болып кетуі мүмкін", – деп қосты әкім орынбасары.
Еске сала кетсек, шаһарда 2021 жылдың 30 маусым күні жағдай бойынша коронавирустық инфекцияның 305 жаңа жағдайы тіркелді, оның 282-сі симптомдық белгілері бар және 23 симптомсыз. Барлық емделіп шығарылғандар – 59, келіп түскені – саны 104. Инфекциялық стационарларда жалпы саны 703 адам ем қабылдауда, оның ішінде 53 балалар. Жалпы реанимация және қарқынды терапия бөлімшесінде – 54 адам жатыр.
Құралай Құдайберген
