Коронавирустың "дельта" нұсқасы жастар арасында көптеп тарала бастады. Алматыдағы №8 емхананың бас дәрігері Фарида Ағыбаева Өңірлік коммуникациялар адаңында осындай ақпаратпен бөлісті, деп хабарлайды inbusiness.kz.
Айтуынша қазіргі кезде індет негізінен вакцина салдырмаған жастар арасында таралуда. Вирус жұқтырғандардың 37%-ы 20 мен 40 жас аралығындағы азаматтар.
"Қазір балалардың коронавирусты жеңіл қабылдайтыны анықталды, бірақ 6-12 айдан кейін көпшілігінде постковидті синдром пайда болады. Ол кез келген органға әсер етеді әрі дерт өте ауыр болады. Сондықтан ата-аналар барынша сақ болуылары тиіс. Көбінесе сырқаттанған балалардың қанында иммуноглобулин М таппайтынымызды ескерген жөн. Сонымен қатар, біраз уақыттан кейін денеде қорғаныш денелері пайда болады, олар тасымалданатын коронавирус туралы айтады", - деп атап өтті дәрігер.
Маманның айтуынша бір жасқа дейінгі және созылмалы патологиясы бар балалар коронавируспен жиі ауырады. Бұған дейін Алматы қаласының Санитарлық-эпидемиологиялық бақылау департаменті соңғы екі аптада жас құрамына жасалған талдау жасөспірімдер арасында коронавирус инфекциясының үлесі 0,7%-ға және 40-59 жастағы азаматтарда 0,8%-ға өскенін көрсетті.
Негізінен, коронавирустық инфекция 20 жастан 40 жасқа дейінгі жастарда - 37%, 40-59 жастағы азаматтарда - 25%, 60 жастан асқан адамдарда - 19% және 14 жасқа дейінгі балаларда - 13%.
"Көбінесе коронавирус отбасында жұғады, балаларға ата-анасынан жұғуы мүмкін. Сондықтан, бүгінде балалардың қоғамдық орындарға баруын шектеуге тырысу керек, оларды өзіңізбен дүкендерге апармаңыз және қоғамдық көлікпен сирек жүріңіз", - деді Фарида Ағыбаева.
