Алдағы демалыс күндері еліміздің басым бөлігінде найзағай ойнап, күн райы бұзылады деп күтіледі.
"Еліміздің батысында, солтүстігінде, шығысында және орталығында қатты жауын-шашын болады, сондай-ақ бұршақ түсуі де мүмкін", – дейді "Қазгидромет" РМК.
Еліміздің батысында күндіз ауа температурасы +22...+30°С- дан +30..+37°С-ге дейін көтеріледі.
Еліміздің солтүстік-батысында да сынап бағаны +20...+30°С-ден +23...+33°С-ге дейін жоғарылайды.
Республикамыздың солтүстігінде ауа температурасы +18...+ 28°С болады.
Қазақстанның шығысы мен орталығында сынап бағаны +23...+34°С-ден, сондай-ақ кей жерде +35...+38°С-ден +20...+33°С-ға дейін төмендейді деп болжанады.
Қазақстанның оңтүстігінде +25...+35°-С-ден +29...+37°С-ға дейін көтеріледі деп күтіледі, ал оңтүстік-шығыста +30...+39°С аптап ыстық сақталады.
Бұған дейін синоптиктер 2025 жылдың сәуірі Қазақстандағы метеобақылау кезеңіндегі ең ыстық кезеңдердің бірі ретінде тарихқа енгенін айтқан болатын.
